Wawasan Amadegipun Nagari Ngayoyakarta/Mocopat

                     AMADEGIPUN NAGARI NGAYOGYAKARTA HADININGRAT

Sekar dhandhanggula palaran

Slendro Pt sanga

1. Tinarbuka sekar dhandhanggendis

     Gyakabeber ing serat punika

     Ngayogyakarta jatine,Semana madegipun

     Dinten kemis pon hangleresi,Wulan jumadilawal

     Be ing tahunipun,Sangalikur tumanggalnya

     Surya kaping sewu enematus luwih

     Antawis wolungdasa

                                                         2. Saking pambudidaya sang aji

                                                             Wiwit timur raden mas sujono

                                                             Ngudi lahir lan batine,Amrih santosanipun

                                                             Panguwaos i ng tanah jawi,Gebengan ngusir landa

                                                             Sak kumpeninipun,Ngantos prang ageng-agengan

                                                             Sasabing prang juluk pangeran mangkubumi

                                                             Madeg Ngayogyakarta

3. Rinumpaka kidungan atitis

Mad sawabe kang minulyeng jagad

Hanmangkurat Matararame,Trah tumerah tumurun

Prapteng mangkin maksih mbawahi,Nagri Ngayogyakarta

Kalangkung rat tuhu,Ombyaking para jalma

Moncaprojo horeg arso ngunungani

Mring luhuring kagungan

                                                    4. Minuwus serat Rajaputra nenggih

                                                         Purwanira ngadeging ngayoja,Katelah tumekeng mangke

                                                         Hanurunken pra Ratu,Kang sinembah kawula dasih

                                                         Mengkubuwana juga,ngrenggani keprabun

                                                         Yogyakarta Hadiningrat

                                                         Duk timurnya Dyan Mas Sujono hanenggih

                                                         Kalok sinuwun swarga

5. Wiyos dalem Rebo pon kang hari

Enem likur Ruwah wulanira

Wawu sinebut warsane,Mongsa kalime iku

Wukuniro tolu sayekti,Hingkang windu sancaya

Sinengkalan sampun,Tunggal rasa Waniing tyas

Surya catur Agustus sewu tahune pitung atus pitulas

                                                     6. Tinebehna bendu tulak sarik,

                                                          kita harsa hambabar silsilah

                                                          Wit saking Mojopahit,Brawijaya Sang Prabu

                                                          Kaping gangsal peputra nenggih jaka dholok apeputra

                                                          Sutanya Sang Prabu,Joko dholok apeputra

                                                          Njeng Pangeran Panggung ugi asesilih

                                                          Pangeran Wasisrowo

7. Kang sumare ing pucuk wewukir

Dhusunira Kutha kilen Progo

Kecamatan nglendhah mangke,kabupaten winuwus

Kulonprogo Yogyakartadi,njeng Pangeran peputra

Pangeran Alas wus,Anurunken Perampilan

Mantri Pajang punika sinebat ugi

Ki Ageng Perampilan

                                                        8. Kyai Ageng anggarwa sang Putri

                                                             Sutanira Ki Tumenggung Mayang

                                                             Kutha Pajang pilenggahe,KI Ageng Asesunu

                                                             KI Ciplaklah Kepundhung nagri,peputra Resi Pada

                                                             Ing salajengipun Anurunken penaya Mas Ngabehi

                                                             Handakara kang wewangi ,Mangkana apeputra

9. Nimas Ayu Tejawati nami

    Garwa wus ing Sang Prabu Mangkurat

    Jumenengan  ping sekawane,Kartasura Kedhatun

    Pan Katelah Mangkurat Jawi,Ndoro Den Mas Sujono

    Putranya Sang Prabu,Kocap sang Rinaja putra

    Duk timurnya olah ingkang batin yekti

    Datan na nganthi rowang

                                                        10. Atetruka nasak hing Wanadri

                                                              Cegah dhahar ugi cegah nendra,nasak wana gedhe-gedhe

                                                              Mbanting raga tan kantun,tanpo rowang apados sepi

                                                              Pasrah jiwa raganya,sumangga ywang Agung

                                                              Dhahar ngrowot isi wana,Sayekti deniro madhep mring                                                                           Ywang Widhi,Sumendhe Kang Kuwasa                                                                


  wawasan-Amadegipun-Nagari Ngayogyakarta/mocopat        

Wawasan/Mocopat/Amadegipun Nagari ngayogyakarta